पोखरमा युवतीको हत्या

माघ १९, २०७२- पोखराको रामबजार नजिकै एक युवतीको हत्या भएको छ । पोखरा–१५ की १९ वर्षीया नेहा भन्ने यरुना पुनको हत्या गरी फालिएको अवस्थामा मंगलबार शव भेटिएको प्रहरीले जनाएको छ ।
 
घलेचोकस्थित मेरीगोल्ड बोर्डिङस्कुल नजिकैको चौरमा उनको शव भेटिएको थियो । सोमबार घरबाट निस्केकी पुन बेलुकी घर नफर्किएपछि खोजी भएको थियो । टाउकोमा रड र लाठीले हानेको घाउ रहेको प्रहरी नायव उपरीक्षक गजुसिद्धि बज्राचार्यले बताए । उनका अनुसार घटनाको अनुसन्धान भइरहेको छ ।